我的偶像，黎坚惠小姐。

為一對釣魚靴尖叫

談完男裝，少不了女裝登場。 Winifred（黎堅惠）由入門口影相至訪問完結，一直開口不離那對「去到腳盡頭」的釣魚靴，評價是未來十年 Prada都唔會再出現類似設計。望着她嘴角不自覺的向上彎，完全感受她對今季 Prada女裝的鍾愛程度。女人看着自己真心鍾意的東西，是遮掩不到的。

■啡色雙層羊毛外套$19,000、棗紅色針織背心$3,200、啡色雙層羊毛短褲$4,050、墨綠色長靴$15,000

黎堅惠釣魚靴上身

■啡紅色羊毛外套$17,200、啡色長靴$15,000、啡色腰帶$2,300、牛仔褲（ Winifred's Own）

記=記者
W= Winifred（黎堅惠）

記：可否講講對 Prada 09 FW的印象？
W：「當我見到全個 Collection，第一樣會尖叫嘅一定係對靴，今日可能已經講咗第三次。就係對釣魚靴，因為我同其他時裝人一樣，一到秋冬就買靴，雖然可能你已經有十對八對唔同長度嘅長靴，但係從來無買過一對去到腳嘅盡頭，所以我好興奮！同埋有個經驗係佢並非用拉鏈，而係用皮帶穩住，所以呢個係一個好好嘅 Design。至於其他嘅短靴，位於小腿嘅扣都係來自古代男裝嘅襪扣，今季有幾個我鍾意嘅 Brand而 Prada就係其中一個，將男裝嘅 Details好聰明咁放入女裝，你會覺得好有型，但你唔會覺得好男人。」

復興八十年代的閃

■玫瑰紅色絲絨料連身裙$23,150、啡色腰帶$2,300、泥黃色羅馬皇冠形高踭鞋$14,000、啡色 Visone Sera Clutch Bag$17,100

記：除了你十分喜愛的釣魚靴外，還有其他突出的設計元素嗎？
W：「 Prada亦同時覆蓋今季好 Hit嘅潮流，例如淑女式嘅窩釘。過去嘅兩季都好 Hit攻擊性強嘅窩釘，但 Prada今季就做咗斯文而細粒嘅窩釘，好有矜貴嘅感覺。另外一個 Trend就係原紅色 Geranium，將紅色演繹出唔同嘅深淺，喺手袋上同埋喺幾條裙上面，都演繹咗原來紅色可以有咁多嘅可能性。」

記：窩釘是今季很多品牌的主打，除此之外還有其他流行元素嗎？
W：「至於其他 Trend，好明顯係所有閃令令嘅嘢，無論你叫佢 Rock Glamour、 Rock Chic或者係 Disco Fever，咩名堂都唔緊要，總之所有閃嘅嘢都會返晒嚟。例如行街見到啲 Street Wear舖頭，都會有晒啲緊身裙，好似八十年代睇港產片見到嗰啲好多好 Cheap嘅物料，又貼身又反光。但係你會見到 Prada會用昂貴嘅方法去做，例如釘閃片，連一個好四正嘅公事包都會釘晒珠片。我會覺得大家諗到嘅既然都咁悶，經濟又差，大家嘅想像力會想返去 Party Mood，咁 Party Mood最強就係八十年代。」

放大圖片
■黑色 Ricamo V領連身裙$68,300、黑色連扣長靴$9,900、黑色 Tessuto& Ricamo公事包$28,700

就是愛她的長青

記：傳說中， Prada是一個後生仔女出糧時的必買名牌頭三甲，看過今季後，你覺得這個傳說會否延續？
W：「我自己有好多讀者都係 Prada Fans，其中我好肯定 Prada袋係好得民心。我諗因為佢有個好經典嘅設計，唔會因為今季買咗，令你六個月之後拎番出嚟會好尷尬，因為 Prada唔會特登搞限量特別版呢類名堂，令人一窩蜂去買完之後就以後都唔用得。所以買 Prada嘅人會欣賞品牌長青嘅氣質，例如尼龍料所造嘅設計，二十年後都不斷出新色新設計，可能你幾年前買咗個化妝袋，你唔會覺得拎唔到出嚟見人，所以係呢一點令到後生女咁樂意出糧去進貢。我估啦！哈哈！」

記：不如提議讀者今季 Prada女裝應該入手的 Items。
W：「我覺得今季 Prada必入係佢嘅棗紅色，即係棗紅色嘅 Anything。話就話今季主打係 Geranium，但都見到有玫瑰紅嘅傾向，亦有棗紅色， Even我自己嘅手袋。我覺得呢隻色唔係季季都有，所以無論尼龍袋、銀包、手袋、鎖匙包、冷背心或者冷襪，即係細細件嘅 Accessories，未必可以下年買得番呢隻色。同埋仲有 Saffiano系列，今季都出咗一啲好靚嘅顏色，我會好推薦畀大家，其中有個珊瑚橙色及玫瑰紅，都係紅色嘅變調，我覺得呢幾隻色係 2009秋冬嘅特色。」

放大圖片
■泥黃色羅馬皇冠形高踭鞋$14,000


■棗紅色 Saffiano手袋$11,350


■玫瑰紅 Saffiano手袋$12,600


■棗紅色窩釘手袋$17,200

Prada 09 FW Ready-to-wear

Prada（ 2522 2989）
中環歷山大廈 G4舖

(From: http://hk.apple.nextmedia.com/template/apple_sub/art_main.php?iss_id=20090901&sec_id=12187376&art_id=13158718, 2009-09-01)

延伸阅读：衫字經1：Wyman窩釘插心口。